Die jongste syfers toon dat Suid-Afrika nog nie weer die vlakke van indiensname bereik het wat voor 2009 se resessie behaal is nie. Hoewel daar oor die afgelope drie jaar wel ʼn geleidelike toename in indiensname was, is daar steeds ʼn agterstand wat ingehaal moet word. Die groot probleem bly steeds struktureel van aard, soos dat die opleiding- en vaardigheidsvlakke van ʼn baie groot deel van Suid-Afrika se bevolking nie op ʼn goeie peil is nie, tesame met faktore soos die voortslepende onsekerheid oor die beskikbaarheid van voldoende elektrisiteit.
Lees verder ‘Indiensname nog nie terug by vorige vlakke nie’
Sleutelwoord Argief vir 'indiensname'
Volgens die “Quarterly Employment Statistics” (QES) wat vandeesweek deur Statistieke Suid-Afrika vrygestel is, was indiensname in die formele sektor (landbou uitgesluit) 8 425 000 in die tweede kwartaal van 2012. Dit het vanaf die voorafgaande kwartaal met 42 000 en gedurende die voorafgaande jaar met 125 000 gestyg.
Lees verder ‘Formele indiensname ná vier jaar byna op vorige vlak’
Die opname wat Statistieke Suid-Afrika (SSA) kwartaalliks onder besighede in die formele sektor (landbou uitgesluit) doen om hul indiensnamevlakke te bepaal, in Engels bekend as die Quarterly Employment Statistics (QES), toon dat indiensname in die formele sektor in die eerste kwartaal van 2012 gestagneer het. Die verskil tussen die indiensnamesyfer van 8 379 000 vir die vierde kwartaal van 2011 en die 8 384 000 vir die eerste kwartaal van 2012 is maar ’n skamele 5 000, wat statisties eintlik onbeduidend is.
Lees verder ‘Formele indiensname stagneer in eerste kwartaal’
Met die #StopAbsa-veldtog wat die kollig op werkverliese plaas, is dit insiggewend om ondersoek in te stel na hoe die arbeidsmark tans daar uitsien vergeleke met 2008, voor die groot werksverliese wat met die resessie gepaard gegaan het.
Een goeie bron van inligting oor die formele arbeidsmark is Statistieke Suid-Afrika (SSA) se kwartaallikse indiensnamesyfers (Quarterly Employment Statistics, of QES). Dit is ʼn opname wat onder werkgewers gedoen word en hoewel dit nie die hele arbeidsmark omvat nie, is die algemene tendense wat in die QES se data voorkom goeie aanduidings van wat in die arbeidsmark aangaan. Die jongste beskikbare syfers is vir die vierde kwartaal van 2011.
Lees verder ‘Indiensname in die formele sektor – 2008 en nou’
Daar is nog weinig goeie nuus vir die vervaardigingsektor as ʼn geheel. Volgens die regering se planne moet dié sektor ʼn groot bron van indiensname wees as deel van die poging om werkloosheid te laat daal van die uiters hoë vlakke waar dit tans verkeer.
Indiensname in die formele vervaardigingsektor daal egter al aanhoudend sedert 2006, ʼn daling wat versnel het tydens die resessie van 2008/2009.
Lees verder ‘Vervaardiging trek steeds swaar’
Die Kommissie vir Diensbillikheid (Commission for Employment Equity – CEE) het verlede week hul tiende jaarlikse verslag oor die “vordering” van regstellende aksie in die werkplek vrygestel.
Die CEE fokus in hul verslag sterk op die topbestuursvlak en op die twee vlakke net onder topbestuur, naamlik die van “senior bestuur” en “professioneel gekwalifiseerd”. Indien ʼn mens egter gaan tel hoeveel mense in hul opname in die topbestuurkategorie val, is dit slegs 0,4% van die totale aantal mense wat in die opname getel is. Slegs 1,4% van die mense in die opname val in die kategorie van senior bestuur en slegs 7,2% is professionele mense. Op grond van “wit oorverteenwoordiging” in hierdie 9% van die opname word daar dan vreeslik te velde getrek teen diegene wat durf om “weerstand teen transformasie” te toon, sonder om in ag te neem dat die oorblywende 91% van die werkplek al heeltemal “getransformeer” is. Selfs al kon alle “oorbodige” wit mense (sowat 140 000 in die jongste verslag) in die top drie kategorieë oornag met werklose swart mense vervang word, sou dit nie ʼn verskil maak aan die ellende waarin miljoene swart mense leef nie (en sou heelwat wit mense, wat tog ook landsburgers is, in ellende gedompel word).
Soos dit ook al gebruiklik geword het, is die verslag weer vol foute. Hiermee word nie eers foute in die interpretasie van landswette of die ontleding van die resultate van die opname bedoel nie. Ook nie eers die tekortkominge in die metodologie van die opname nie. Daar hoef nie so diep of filosofies ingegaan te word om fout te kan vind met die verslag nie. Daar is oorgenoeg oppervlakkige foute om enigiemand sommer vinnig tevrede te stel. Optelfoute, berekeningsfoute, oorskryffoute – hulle is almal daar!
Lees verder ‘Diensbillikheidsverslag weereens vol foute’
Loading ...
RSS
Newsletter
Twitter
Facebook
Flickr
YouTube
