1 September is amptelik lentedag.
Na die koue, lang winter, is dit tyd dat die natuur weer lewe kry. Alles word groen en oral maak die blomme hul verskyning. Die voëltjies sing vrolik en die son kom vroeër op in die môre.
Die siklus van lente, somer, herfs en winter begin weer van voor af.
Hoeveel van ons dink gereeld oor die rol wat ons moedertaal in ons lewens speel. Is dit maar net ‘n semantiese kommunikasiemiddel wat ons gebruik in omgang met ander wat ‘n soortgelyke instrument besig? Hou dit ekonomiese waarde vir my in of skiet dit my ekonomies in die voet? Of is dit ten diepste ‘n uitdrukking van my identiteit en die hoeksteen van my bestaan? Hierdie is vrae waarmee ek julle wil los om oor te besin voordat ek my eie indrukke van Afrikaans in my lewe gee.
Lees verder ‘Afrikaans is . . .’
Kahlil Gibran het die spreekwoord geopper: “An exaggeration is a truth that has lost its temper.” In Suid-Afrika werk ons met talle hartseer en uitdagende werklikhede: nypende armoede, gebroke families, ongelykheid, pa’s wat afwesig is, misdaad, ‘n verswakkende staat, ‘n uiters ondoeltreffende en korrupte regering, en so gaan die lys aan. Dat ons probleme in die land het, staan buite twyfel. Hoe reageer ons op hierdie probleme? Na my mening is daar grotendeels twee soorte beskouinge van hierdie probleme en twee reaksies.
Lees verder ‘Oordrywing: Die ekstremiste se tydverdryf’
Selfbeskikking. ʼn Gelaaide woord met uiteenlopende betekenisse vir verskillende mense. ʼn Woord wat oor die eeue al vir menigte vryheid gebring het, maar wat se regte betekenis al net soveel uitgehol en misbruik is om opstand of verdrukking te probeer regverdig. ʼn Woord met ʼn skynbaar magnetiese aantrekkingskrag, maar wat al die slagoffer was van woordkapers soos kommuniste, nasionaliste en liberaliste. Maar wat beteken selfbeskikking regtig, en is dit nog betekenisvol vir die moderne Afrikaner in Suid-Afrika?
Lees verder ‘“Regeer ons goed of ons regeer onsself!” ‒ strydkreet van die eeue’
Ek vat gister my kar na Santam nadat iemand my gestamp en ek ‘n eis ingedien het. Die ander party is by Outsurance verseker en ek by Santam. Mens moet in gedagte hou dat Santam ontstaan het as die Suid-Afrikaanse Nasionale Trust en Assuransiemaatskappy (kortom Santam) in 1918 omdat Afrikaners, wat op daardie stadium arm en platgeslaan deur die Tweede Vryheidsoorlog was, die behoefte aan ‘n versekeringsmaatskappy gehad het. Santam se vroeë leuse was “Gebore uit die volk om die volk te dien”. In die vermaerde prof. Hermann Giliomee se boek Die Afrikaners maak hy melding van die feit dat Santam en Sanlam ná groot terugslae en groot opoffering deur Afrikaners, asook hul volgehoue steun, bestendig uitgebrei het.
Lees verder ‘My ‘reception’ by Santam’
Suid-Afrikaners gaan van 10 Oktober tot 31 Oktober vir die eerste keer sedert 2001 deur Statistieke Suid-Afrika (SSA) getel word. Die land is in 103 576 blokke verdeel. In elke blok sal ʼn tydelike beampte van SSA die huishoudings besoek en die sensusvorms invul of uitdeel sodat mense dit self kan invul. In ʼn land soos Suid-Afrika, waar goeie demografiese data maar yl gesaai is, is ʼn suksesvolle sensus belangrik vir beide die regering en die privaat sektor se beplanning. Die finale data sal eers vroeg in 2013 bekendgemaak word, maar basiese data behoort reeds deur die loop van 2012 vrygestel te word.
Talle maatreëls is getref om te verseker dat die sensus se data-insameling op ʼn beter standaard sal wees as in vorige jare. Lees verder ‘Sensussyfers kan verrassings oplewer’
Loading ...
(11) (19) (67) (133) (30) (63) (42) (5) (34) (56) (84) (70) (136) (1) (14) (75) (1) (120) (2) (770) (12) (1)
RSS
Newsletter
Twitter
Facebook
Flickr
YouTube
