“Aansoekers wat deel wil wees van die
eerste groep van vier ruimtevaarders wat in 2023 die eerste kolonie op Mars wil
begin, kan hul CV’s eersdaags instuur. Volgens die webblad van Mars-One moet
kandidate ouer as 18 jaar wees, intelligent, geestelik en liggaamlik gesond en
bereid om agt jaar opleiding te ondergaan. Hulle kan van enige ras wees en moet
besef dit is net ’n eenrigtingvlug, wat beteken as jy vertrek, is dit die
laaste sien van die aarde. Jy kom nie terug nie.”
ArgiefBladsy 10 van 334
’n Kreatiewe droogte, vir skryf, skilder of enige kreatiewe werk, is deksels frustrerend! Dit bekruip jou uit die bloute en jy kan aan niks kreatief dink nie. Die ergste is dat jy nie weet hoe lank dit gaan aanhou nie. Kan die droogte gebreek word? Dit voel of jy teen ’n muur vasdink.
Kan jy glo – daar is tipes kreatiewe droogtes en raai wat – hulle is normaal en jy kan hulle te wagte wees – ja – makliker gesê as geglo en glad nie maklik om op te los nie, maar hier is ’n paar wat jy dalk sal herken: Lees verder ‘Ai tog! Die droogte om my!’
In die land van Nambabwe het die beleidmakers op ’n dag kopgekrap oor ’n probleem wat in die land se vervaardigingsektor ontstaan het. Die sektor het met talle probleme geworstel, soos swak beskikbaarheid van vaardige werknemers, hoë insetkoste vanaf staatsbeheerde monopolieë, swak infrastruktuur en veiligheid, ensovoorts. Die vervaardigingsfirmas het gevolglik gesukkel om op ’n kostedoeltreffende manier produkte te vervaardig wat op die internasionale mark kon meeding met die produkte van firmas in ander lande, wat uitvoere van die produkte belemmer het. Ook in die plaaslike mark het die firmas gesukkel, aangesien die meerderheid plaaslike verbruikers goedkoper ingevoerde produkte verkies het. Die Nambabwiese beleidsmakers beraam egter toe ʼn slim plan:
Lees verder ‘‘n Sprokie uit Nambabwe’
Aan die begin van die nuwe jaar is daar altyd baie onvoorsiene kostes. Mense raak moedeloos omdat hulle nie weet of hulle genoeg geld gaan hê om alles te betaal nie. Alle premies styg. Begrotings wil nie klop nie.
Dit voel vir sommiges asof hulle op moedverloor se vlakte is.
Skep moed! Onthou, vandag is die môre waaroor jy jou gister so gekwel het – Victor Hugo.
Verlede week het Frans Cronjé, adjunkhoof van die Suid-Afrikaanse Instituut vir Rasseverhoudinge (SAIRV), twee toekoms-scenario’s vir Suid-Afrika uitgereik. Dit is interessante leesstof vir enigiemand wat besorgd is oor die toekoms van die land en die dinamiek in die politiek en ekonomie verstaan.
Lees verder ‘Goeie toekoms in SA deur swak onderwys gekelder’
“Get your facts first, and then you can distort them as much as you please” – Mark Twain
Gedurende 2012 het die Hoogste Hof van Appèl verklaar dat die minister van binnelandse sake onredelik die visum van die Dalai Lama vertraag het, nadat vir die publiek vertel is dat een van die mees berese persone nie weet hoe om ʼn visumvorm ordentlik in te vul nie.
Loading ...
RSS
Newsletter
Twitter
Facebook
Flickr
YouTube
