Een ding waaroor ek altyd wonder, is hoe party mense dit regkry om ander net te gebruik. Hulle geniet die aandag van die persoon wat in hulle belangstel, maar hulle wil nie regtig verbind word aan hom/haar nie. Hulle wag nog vir die regte persoon om sy/haar opwagting te maak. Tóg wil hulle nie alleen wees nie. Hulle wil ook nie in ʼn verhouding wees nie. Hulle is altyd opsoek na “iets beters”! Hulle besef nie dat hulle waarskynlik reeds die beste het nie.
Dit gaan my verstand te bowe.
Ek vermoed dat so ʼn persoon nie besef wat hy/sy het nie. Daar word woer-woer gespeel met ‘n ander mens se gevoelens.
As jy nie regtig gelukkig is met iemand waarmee jy so ʼn los-vas-verhouding aanknoop nie, waarom doen jy dit dan? Waarom sê jy nie net reguit vir die verliefde ou of meisie dat jy nie belangstel nie?
Dit is uiters selfsugtig!
Die ander persoon hou aan hoop en glo dat julle “eendag” gelukkig sal wees. Die kanse is egter uiters skraal.
Die ander kant van die munt is seker ook daar: die persoon gee nie om dat hy/sy gebruik word nie.
Ek glo egter nog steeds dat dit oneerlik is om iemand aan ʼn lyntjie te hou vir wie jy nie genoeg voel nie.
Gewoonlik besef mens mos eers die waarde van iets (of iemand) wanneer jy dit verloor…
Loading ...
RSS
Newsletter
Twitter
Facebook
Flickr
YouTube
Lees hierdie beleid voordat jy deelneem aan die blog of enige kommentaar plaas.