Solidariteit Blog

Grondhervorming is ‘n goeie idee maar ‘n slegte plan. Die idee is om grond regverdig te verdeel onder die land se bevolking en die plan is om dit te doen deur grond onregverdig te ontneem. Goeie konsep op die oog af. Dit is eintlik belaglik om te sien hoe sekere wette, vorms van diskriminasie en rasbeheptheid die norm geword het in Suid-Afrika. Grondhervorming is soos olywe, baie mense eet dit al laat dit ‘n slegte smaak in jou mond.

Wanneer het dit aanneemlik geword om grond volgens ras te verdeel? Wanneer ‘n regering (bv die ANC) vir ‘n lang tydperk (bv 16 jaar) in beheer is dan veroorsaak dit dikwels dat mense oogklappe dra. Die Nazi’s kon Nazisme verdedig, Mugabe kan geweld verdedig en die ANC kan ook 20 verduidelikings (of kinders) gee vir elke wet wat nie werk nie. Maar as mens iets kan verduidelik beteken dit nie jy is reg nie.

Wat erger is, is die feit dat dit nie net die ANC is vir wie hierdie ‘n norm geword het nie. Die volgende uitreksels kom uit die opposisie banke se beleid oor grondhervorming:

• “we will increase the budget for land reform for 2003/04 from R1,6bn to R3bn”
• “pro-active approach towards the purchase of private commercial land. “
• “so that the process is not compromised by long delays”

Demokrasie gaan oor die meerderheid, politiek doen maar wat die mense doen, maar niemand besef dat dit ook die politiek is wat mense se gedagtes en norme grootliks kan bepaal nie. Ware leiers, soos die van die Solidariteit beweging, dit is hulle wat nie die gewildste menings onder die meerderheid van Suid-Afrikaners het nie, maar wel altyd die morele hoë grond sal behou.

Geen verwante artikels nie.