Ek gaan nie eens probeer om DIT te begryp nie

Ilze NieuwoudtGepubliseer
deur
Ilze Nieuwoudt
op 8 Julie 2010
in Nuus
. 2 Kommentare

Dit is moontlik dat die dinge wat ek in my lewe verpes eintlik maar dinge is wat ek net nie ten volle verstaan nie. Dit is waarskynlik dinge wat ander mense ‘n veel beter begrip van het. Tog is ek oortuig dat hierdie “dinge” juis so saamgestel is om vir my as gewone mens te verwar en die lewe ‘n bittere stryd te maak.

Ek praat van drie dinge in spesifiek: Mediese fondse, versekering en banke.

Met elkeen van hierdie drie dinge is daar gewoonlik die een of ander slim kleinskrif wat niemand verstaan of een van bewus is nie.

Een van my kollegas moet nou reeds vir maande met sy versekering sukkel nadat sy kar in ‘n motorongeluk afgeskryf is. Dit is nou hier te kort en daar te lank – en intussen word dinge nie afgehandel nie en hy moet maar self plan maak met ‘n ander kar.

Op my eie klein planeet het die realiteit van mediese fondse weer hierdie week getref. Ek is op my laaste (van wat vir my voel soos ‘n lange, lange swangerskap) en hoewel ek maande gelede ingelig is dat alles piekfyn sal wees wat die dekking betref is daar NATUURLIK nou stories en allerande verkuilde kostes. En dit selfs nadat ek by ‘n vorige geleentheid uitgevra het oor al hierdie “kostes”.

Ja, ek besef ons kan nie klaarkom sonder hierdie “wreedhede” nie. Banke, versekering en medies is seker maar hier om te bly, want of ek dit nou wil erken of nie – ek het dit nodig. Tog wens ek dat dit nie so ingewikkeld was nie. Ek wens dat hierdie mense nie daarop uit was om dinge so onduidelik moontlik te maak sodat ons uitgevang kan word met simpel ditjies en datjies nie.

Lees hierdie beleid voordat jy deelneem aan die blog of enige kommentaar plaas.

  • Dirk

    Hi daar,

    Nog een van daai is ook motor handelaars en “satelite tracking” maatskappye. Ek het so ruk terug my voertuig aan n handelaar gegee om dit namens my ter verkoop. Soos almal maar het die resessie sy tol ge-eis en was ek gedwing om my voertuig te verkoop. Omtrent n maand later vind ek uit dat my motor aan iemand “verkoop” is maar dat ek steeds vir die voertuig betaal. Ek het gestoei om die handelaar in die hande te kry. Na lang gesukkel het ek my “satelite tracking” maatskappy gekontak en vir hulle gese dat iemand tans met my voertuig ry sonder my toestemming.

    Hulle het gese hulle kan niks doen sonder n saaknommer by die polisie nie. Ek het toe n saak gaan maak van bestuur sonder toestemming, en het toe weer Tracker gebel en die nommer vir hulle gegee. Hulle storie verander toe en daar word gese hulle kan niks doen sonder n “warrent” nie. Intussen het die handelaar toe gemaak, en my voertuig is in besig van iemand waarvan ek geen inligting gehad het nie, behalwe dat die motor iewers in die Oos Kaap is. Die polisie kan nie help nie en Tracker trek hulle skouers op. Hoekom dan n tracker in jou voertuig he as jy nie as eienaar van die voertuig gebruik kan maak daarvan nie. Ek het vir n voertuig betaal wat ek nie gehad het nie.

    Dit was frustrerend. Ek het intussen my voertuig opgespoor. Maar natuurlik is daar skade op die voertuig wat ek nou moet regmaak. So, Ilze, kleinskrif is op alle kontrakte en ons moet niks teken totdat ons nie seker is wat dit beteken nie.

  • Belinda van der Merwe

    Ek stem saam met jou, dit is of hulle uit hulle pad gaan om jou te verneuk, elke kans wat hulle kry. Daar is altyd die verskuilde goedjies wat jy uitvind, wanneer jy dit die nodigste het. Soos bv, as jy in ‘n ongeluk was, iemand baie siek is en dringend jou medies nodig het, en uitvind dit is uitgeput. Banke oor die algemeen is net daar om hulle self te beskerm en het nie ‘n saak met jou nie.

  • RSS
  • Newsletter
  • Twitter
  • Facebook
  • Flickr
  • YouTube