Solidariteit Blog

Dis wonderlik om te sien hoe mense wil help, maar hoekom verkeer almal onder die indruk dat wit plakkers net hope klere nodig het? Kos en geld vir medisyne en ander noodsaaklikhede is baie belangriker (onthou, die mense wil ook graag hare was en bad). In die winter is warm klere en komberse natuurlik ook baie nodig. Skenk jou ou karavaan sodat iemand darem ook ‘n dak oor die kop kan hê, of wat van die Wendy-huis wat nie gebruik word nie? Daardie ongebruikte jel-stoof kan ook goed aangewend word, asook sonsambrele waaronder die kinders kan speel en nie so in die son verbrand nie. Is daar dalk ‘n brei- of naaldwerkmasjien wat jy nooit weer sal gebruik nie? Dalk is daar handige vrouens in die kamp. Gee vir hulle jou onderbenutte tuinstoele, skryfbehoeftes en storieboeke vir die kinders, daardie ekstra groente uit jou tuin. Die boer wat die melk so weggooi kan dit gerus by ‘n paar van hierdie kampe gaan uitdeel. Ek sê maar net…………..

Vir die wat dalkies nie weet nie Doulas bring ongeveer 2000 nedersetters wat hulle op die 4de Desember gaan trakteer na Silver Valke Rugbyklub h/v Pretoria en Roestoffstraat, Silverton
vir ‘n Kersfunksie. Die dag het hulle potjiekos kompetisie en almal wat wil kan inskryf. Die potjie moet vir 30 mense kan voed. Dit beloof om ‘n heerlike dag te wees. Almal is welkom as gaste en Heleen by 0824438874 of Maria by 012-7558199 kan gekontak word indien daar mense is wat moontlik kan en wil help.