Boer of bees?

‘n Afrikaner is nie ‘n boer nie, maar ‘n boer is nogsteeds ‘n Afrikaner, maar ‘n Afrikaner kan boer solank hy homself net nie’n boer noem terwyl hy net ‘n Afrikaner is nie. Dan is ‘n Afrikaner ‘n tipe bees en boer ‘n tipe bok. Maar soos die hoender en die eier weet ek nie wat was eerste nie, die boer of die Afrikaner?

Die term “boer” verwys blykbaar na ‘n “Afrikaner” wat toegewy is tot die “boervolk”, sal veg vir die “volkstaat” en alles in die stryd werp om “boerevryheid” te bewerkstellig. ‘n Afrikaner is iemand wat toevallig dieselfde herkoms, taal, velkleur, geloof en kultuur het as ‘n boer maar nie noodwendig homself beywer vir die vryheid en onafhanklikheid van die Afrikaner nie…of die boer nie.

Dan kan jy ook ‘n Afrikaanse wees, iemand wat Afrikaans praat maar nie gesien word as ‘n Afrikaner nie. Dit sluit natuurlik kleurlinge, swartmense, onwettige immigrante en verwarde Europeërs in. Om Afrikaans as ‘n eerste taal te hê maak jou ‘n “Afrikaanse”. Afrikaans as eerste taal met ‘n Westerse herkoms en ‘n ligte gelaat kan jou laat kwalifiseer as ‘n Afrikaner. As jy goue status as “boer” wil hê, dan moet jy meer oplees oor die “uitverkore volk”, “Israeliete” en “Siener van Rensburg”. Terwyl mens moet kop hou met al dié terme is jy nog ‘n Suid-Afrikaner ook. En dan begin die hele debat oor wat is jy eerste, ‘n Afrikaner of ‘n Suid-Afrikaner?

Ek is trots op my kultuur, trots op my herkoms, ek beywer myself vir die toekoms en die beskerming van Afrikaners. Ek staan op vir my saak, vir my beginsels, vir my volk en selfs vir my land ook. Ek is eerste ‘n Afrikaner wat toegewyd is aan selfwerksaamheid, tweede ‘n Afrikaanse wat trots is op sy taal en dit wil beskerm en derde is ek ‘n Suid-Afrikaner omdat ek hier woon en deel vorm van die Suid-Afrikaanse kultuur en ook trots is daarop.

H.A.T definisies:

Afrikaanse: Term wat gebruik word vir iemand wat hom of haar in die wydste sin met Afrikaans vereenselwig.

Afrikaner: Persoon is wat Afrikaans is deur geboorte of afstammeling, veral iemand wat Afrikaans as moedertaal het.

Boer: Skeld of prysnaam vir ‘n Afrikaner of vir die polisie.

Verwante artikels:

Lees hierdie beleid voordat jy deelneem aan die blog of enige kommentaar plaas.

Tia Mysoa

Dankie Paul,

Ek sien in vanoggend se nuus dat daar wel enkele gevalle van herdenkings gehou was, maar niks op ‘n groot skaal nie. Daar was ook geen bemarking vooraf gedoen nie, — om die algemene publiek te herinner nie. Die 7-uur nuus op televisie gisteraand (SAUK 2) het ook geen melding daarvan gemaak nie. Ek het juis gewag vir die nuus voordat ek bogenoemde kommentaar lewer. Deur die loop van die dag gister, het ek gereeld die aanlyn nuusberigte gemonitor. Al wat opgekom het was die skakel na die herdenking gehou in Australië::

http://www.northerndailyleader.com.au/news/local/news/general/boer-war-remembered/1844233.aspx

Ons moet ook in ag neem dat die Egte Boer, geensins belangstel om die einde van die Anglo-Boere Oorlog te vier nie, en dit geld ook vir die stigting van ‘n Unie. Die hele episode was vir hierdie Boere ‘n vernedering. Dan het ons nog nie eers aan die kwessie van konsentrasiekampe geraak nie!

Ten spyte van die Boere se negatiewe gevoelens oor die saak, bly dit ‘n skande dat koerante geen voorblad foto of nuus geplaas het nie.

Voorblad nuus in Pretoria se hoofkoerant is maar tekens van die tye:

31 Mei 2010:
Eerste uitgawe: Bull’s eye for our boys in blue
Tweede uitgawe: Zuma baby No 21 on its way (Nog een??)

1 Junie 2010:
Eerste uitgawe: City Teens Horror
Tweede uitgawe: ANC poised to charge Vavi

Groetnis!
Marionade

Die Afrikaner word eerstens van sy kollektíéwe identiteit gestroop (wat nie noodwendig ‘n slegte ding is nie – kyk maar na die vorige regime wat nasionalisme gebruik het as ‘n instrument van massa-manipulasie) met die groter doel om op die ou end individue te kry om hulself in hopelose radeloosheid gestroop geag te wees van hul persóónlike identiteit en individualiteit – ‘n ongeprogrammeerde entiteit wat na die hand grootgemaak kan word.

Die kleure wat die Afrikaner tot die reënboog voeg, word as’t ware met ‘n bottermes oor die doek gesmeer om sy kulturele landskap ‘n kragtelose grys te kleur – en hierdie kragtelose grys word aan hom verkoop as deel van dít wat dit behels om wáárlik ‘n “Suid Afrikaner” te wees.

Dis hartseer om te sien hoe Afrikaners tog te gretig is om die leë en die hol begrip “Suid Afrikaner”, wat skielike kitsbetekenis en diepte gekry het en wat deels behels dat hy uitgebuit word, emosioneel verinneweer word, fisies leed aangedoen word en sosiaal, polities en ekonomies gemarginaliseer word, te “embrace”. Terwyl die res van Suid Afrika loop en spog met wie en wat hy is, loop die Afrikaner al langs die rand en pronk so op sy eie (en vir wie ook al bereid is om te kyk en te luister) met sy nuut-verworwe “Suid Afrikaner” status – en ter wille van wat? Ook maar net vir die krummels wat van die tafel afval waar diesulkes wat hulself aan die wêreld en sy vrou as voorheen-benadeeld en verontreg voorhou, sit en fees en fuif.

In die proses verloor die Afrikaner sy identiteit, maar nie net dit nie, hy word ‘n hoogs beïnvloedbare individu wat baie maklik eers hierdie kant toe en dan daardie kant toe geswaai word. Hy word geleer dat sy geskiedenis iets is om oor skuldig te voel – en hy aanvaar dit gedweë. Dan word hy opgesweep oor die helde van die verlede en as jy weer sien, staan al wat ‘n Brackenfeller en ‘n Pretorianer is met sy besemsnor in sy brannas en tjank as De la Rey oor die draadloos speel.

Die viering van die gebeure wat die geskiedenis help vorm het, is nodig en dis belangrik, maar dis net so nodig en net so belangrik om nie deur die gebruiklike emosionele vrugwatervloed meegesleur te word nie. Die Afrikaner soek ‘n leier. Laat rede jou stuur eerder as om hulpeloos rond te dobber en te wag en te hoop op ‘n beter môre. Wéét wie jy is eerder as om dít te probeer wees wat die sentiment van die dag vir jou probeer wysmaak. Wees trots sonder hoogmoed, wees nederig sonder om te kruip, wees dankbaar en bly altyd in verwondering. En onthou jou verlede om die regte redes.
Paul

Tia, die Suid-Afrikaanse Akademie vir Wetenskap en Kuns het ‘n geleentheid in Centurion gehou om die dag te herdenk.
Tia Mysoa

Sonder om snaaks te wees, wil ek maar net vra, voordat 31 Mei 2010 verewig verdwyn, waarom die Boere en Afrikaners in ons land nie hul Boere helde van die 2de Boere Oorlog vandag (31 Mei) herdenk het nie. Die 2de Boere Oorlog (ook bekend as die Anglo-Boere Oorlog) het vanaf 11 Oktober 1899 tot 31 Mei 1902 geduur. Die Australiërs het hul helde vandag onthou, maar ons ou sportmal-nasie het dit blykbaar vergeet!

Die Unie van Suid Afrika het tot stand gekom presies 100 jaar gelede op 31 Mei 1910. Nie Solidariteit of enige ander instansie het ‘n woord hieroor gepraat nie. Ek kan miskien verstaan as Republiek Dag nie meer op 31 Mei gevier word nie, maar om ons ou soldate (helde) te vergeet, is rêrigwaar skandalig.
Paul

Heheheh, ek hou van die eerste paragraaf!

Wat van ‘n “wit, Afrikaanssprekende landbouer” as ‘n naam vir iemand wat boerdery bedryf, Afrikaans praat en ‘n wit(terige) vel het? Dan kan niemand hom/haar beskuldig van enige regsgeid of nie-regs-genoeg-geid nie! ;)

Solidariteit Blog

Verwante artikels:

Solidariteit Blog – Redakteursbeleid

Teken in op ons weeklikse nuusbrief Soldeer

Peiling

Jongste kommentaar

Skrywers

Arbeidsmark Nuus – Spowart Resources

Sluit aan by Solidariteit

@solidariteit op twitter