Gepubliseer .
ʼn Gewilde storie oor hoe geld funksioneer wat per e-pos rondgestuur word en op talle webwerwe verskyn, veroorsaak heelwat konsternasie..
Die basiese vorm van die storie is dat ʼn besoeker uit die stad by ʼn hotel op ʼn klein dorpie opdaag en R200 kontant aan Jan, die hotelbaas, oorhandig vir verblyf vir die aand. Die reisiger loop met die trappe op tot by sy kamer op die boonste verdieping van die hotel. Jan neem die R200 en gaan betaal gou sy rekening by Sarie, die kruidenier op die dorp. Die kruidenier neem die R200 en gaan betaal blitsig haar rekening by Luigi, die haarkapper. Skaars 20 minute nadat die reisiger oorspronklik die R200 aan Jan oorhandig het, kom Luigi by die hotel aan en betaal sy R200-kroegrekening by Jan af. Net nadat Luigi die R200 aan Jan oorhandig het, kom die reisiger skielik weer by die hotel se trappe af en sê dat hy weens onvoorsiene omstandighede dadelik moet teruggaan stad toe en dat hy dus nie meer in die hotel gaan oornag nie. Jan gee die R200 terug aan die reisiger, wat in sy motor klim en terugry stad toe. Nou is die raaisel: Die reisiger verdwyn met die R200, maar almal se skuld is betaal. Drie van die dorpsbewoners het ʼn inkomste van R200 gekry, maar die R200 is skoonveld! Hoe is dit dan moontlik?
Lees verder ‘Die raaisel van die reisiger se rande – opgelos’
Gepubliseer .
Die amptelike werkloosheidskoers het in die vierde kwartaal van 2011 tot 23,9% gedaal vanaf 25% in die derde kwartaal. Ook die uitgebreide werkloosheidskoers het van 36% tot 35,4% gedaal.
Die grafiek toon egter waarom daar nie te vroeg hieroor gejuig kan word nie. Lees verder ‘Laer werkloosheid welkom, maar moenie te gou juig’
Gepubliseer .
Daar was onlangs in Sake24 ʼn SMS-versoek dat die samestelling van die petrolprys gepubliseer moet word. Moontlik doen die koerant dit nog, maar lees dit intussen sommer hier.
Ter agtergrond: Die staat reguleer petrolpryse in Suid-Afrika volgens ʼn formule wat verseker dat die prys wat in Suid-Afrika betaal word, genoeg is om te verseker dat die groot oliemaatskappye nie hul plaaslike raffinaderye sluit en eerder brandstof van oorsese raffinaderye invoer nie. Hierdie formule vir die berekening van die basiese petrolprys, voor enige winsmarges, vervoerkostes of belastings, is nie onder verdenking nie. Indien dit nie gebruik is nie, sou die groothandelsprys wat deur die mark bereik word, slegs marginaal (indien enigsins) laer gewees het as die prys wat tans deur die formule bepaal word.
In die tabel word getoon waaruit die prys van ʼn liter 93-oktaan petrol in Gauteng tans (Februarie 2012) bestaan: Lees verder ‘Wie kry wat uit die petrolprys?’
Gepubliseer .
Dit behoort vir niemand nuus te wees dat die Suid-Afrikaanse arbeidsmark in 2008/09 ‘n woeste knou gekry het nie. Wat egter nie so dikwels die nuus haal nie, is die skerp kontras tussen wat met werksgeleenthede in die privaat sektor en werksgeleenthede in die openbare sektor gebeur het.
Volgens Statistiek Suid-Afrika (SSA) se kwartaallikse indiensnamesyfers (Quarterly Employment Statistics, of QES), wat ‘n redelik betroubare bron van inligting oor veranderinge in formele indiensname in Suid-Afrika is, het die formele sektor in die vierde kwartaal van 2008 ‘n indiensnamepiek van 8 512 000 bereik. In die daaropvolgende jaar het dit met 5% gedaal, tot ‘n laagtepunt van 8 086 000 in die eerste kwartaal van 2010. Sedertdien het dit stadig weer met 3,4% gestyg tot 8 359 000 in die derde kwartaal van 2011. Die jongste syfer is dus slegs 1,8% laer as die vorige hoogtepunt. Hierdie syfers vertel egter nie die volle verhaal nie. Lees verder ‘Meer staatswerkers plaas begroting onder druk’
Gepubliseer .
In November 2011 het Cosatu in die Wes-Kaap te kenne gegee dat hulle die Kaapstadse administrasie na die gelykheidshof sou sleep oor wat hulle as diskriminasie teen arm werkers beskou.
In ‘n ietwat bisarre argument word die stad van diskriminasie teen armes beskuldig omdat die stad geld bestee om toerismeprojekte te ondersteun, maar nie om advertensies te plaas wat plaaslike verbruikers aanmoedig om plaaslik vervaardigde goedere te koop nie. Die veronderstelling is dat, deur plaaslike produkte te koop, meer plaaslike werksgeleenthede in vervaardiging behoue sal bly.
Blykbaar is verhoogde toerisme net tot voordeel van die “ryk base” en “middelklas werkers”, en is daar klaarblyklik geen “regte werkers” (m.a.w. laagbetaalde arbeiders) wat in die toerismebedryf werk nie. Terselfdertyd is daar blykbaar geen “ryk base” of “middelklas werkers” in die vervaardigingsektor nie – wat ‘n mens laat wonder teen wie Cosatu dan protesteer wanneer daar oor die vervaardigingsektor uitsprake gemaak word…
Lees verder ‘Mag werkers nie welaf wees nie?’
Gepubliseer .
In verlede week se artikel is die kwessie van Sasol se brandstofpryse uiteengesit. Daar word hierdie week steeds by die onderwerp van brandstofpryse gehou. Met die vakansieseisoen wat op pad is, is dit belangrik om vir vervoerkoste te kan begroot.
Die goeie nuus is dat die kleinhandelprys van petrol op Woensdag, 7 Desember na alle waarskynlikheid met 25 of 26 sent per liter sal daal. Die slegte nuus is dat die groothandelprys van diesel met sowat 36 tot 39 sent (afhangende van die swawelinhoud) sal styg. Hierdie syfers kan nog met ʼn sent of twee aangepas word voordat dit eerskomende Vrydag gefinaliseer word, afhangende van wat intussen met die wisselkoers en internasionale petroleumprodukpryse gebeur, maar enige afwyking sal nie groot wees nie.
Hierdie veranderinge sal die prys van 93-oktaan petrol in Gauteng dan op R10,34 per liter te staan bring, met 95-oktaan wat aan die kus R10,21 sal kos. Diesel met ʼn 0,05%-swawelinhoud se groothandelprys sal styg na sowat R10,38 in Gauteng, wat die kleinhandelprys tot bokant R11 per liter kan laat styg, afhangende van die vulstasie.
OPDATERING: Die finale daling vir petrol was toe 11c en die styging van diesel was nagenoeg 47c en 44c vir 0,05% swawelinhoud en 0,005% swawelinhoud onderskeidelik. Die rede waarom dit so dramaties verskil van die verwagtinge is dat talle van die toepaslike winsmarges aangepas is deur die Departement van Energie.
Dit mag vreemd voorkom dat diesel se prys kan styg terwyl petrol se prys daal, aangesien beide van ruolie gemaak word, Lees verder ‘Goeie en slegte nuus vir die vakansietyd’
Loading ...
RSS
Newsletter
Twitter
Facebook
Flickr
YouTube
