Gepubliseer .
Chaoties: Ordeloos, verward, woes, deurmekaar
Dit is in ‘n neutedop wat die onmin by Lonmin veroorsaak het. Chaos. Twee vakbonde wat voorheen al by twee ander myne slaags geraak het, het by Lonmin weer teenoor mekaar stelling ingeneem. En toe word die beskaafde bokskryt wat kollektiewe bedinging veronderstel is om te wees, eensklaps ‘n slagveld. ‘n Groepie werknemers (vermoedelik Amcu-lede), voormalige werknemers van Lonmin (wat waarskynlik nog ‘n appeltjie met die werkgewer sou wou skil, maar nie meer kan nie) en werklose gemeenskapslede begin op ‘n koppie (die berg) buite Lonmin se hekke betoog. ‘n Onwettige staking. Geen kennis aan die werkgewer, geen eise aan die werkgewer, geen genade vir dié wat met hulle normale werk wil voortgaan nie. Uiteindelik word tien mense vermoor en talle beseer – onder hulle, drie lede van Solidariteit.
Lees verder ‘Lonmin-onmin spruit uit hierdie onding’
Gepubliseer .
Hy is net agt jaar oud. In graad 2. Sy mamma het hom gisteroggend nog by die skool afgelaai, maar daardie middag was hy mammaloos. Want sien, drie rowers het besluit die min wat sy mamma in haar motor gehad het, was te veel na hulle sin. Hulle wou dit vir hulself hê en hulle was bereid om te moor om dit te kry. Dit was presies wat hulle gedoen het en nou is hy mammaloos.
Lees verder ‘Mammaloos op agt’
Gepubliseer .
“Vroue in Suid-Afrika stel al minder daarin belang om met families te begin, en fokus veel meer op hul loopbane en die aankoop van eiendom,” lui die inleidingsin van ‘n artikel getiteld “SA vroue kies loopbane bo babas” op Nuus24 vandag.
‘n Loopbaan OF ‘n baba? Waarom word daar in hierdie artikel voorgehou dat ‘n vrou die een of die ander moet kies? Waarom nie Loopbaan EN baba nie? Boonop maak hierdie artikel sommer lukraak hierdie afleiding op grond van ‘n groter hoeveelheid huislenings wat aan vroue toegeken word.
‘n Vrou kan ‘n suksesvolle loopbaan hê EN steeds kinders grootmaak en ‘n vrou vir haar man wees . Die vrou wat in Spreuke 31 beskryf word is ‘n pragtige voorbeeld hiervan. Lees verder ‘Loopbaan of baba? Nee! Loopbaan EN baba!’
Gepubliseer .
Ek is lief vir kosmaak en onthaal, maar volgende week, 26 en 27 Julie om presies te wees, gaan ek ver uit die kombuis bly. Om die waarheid te sê, ek gaan honger bly. Nie om maerder te word nie (hoewel ek dit sou verwelkom), maar om my steun vir ‘n baie goeie saak te wys.
Lees verder ‘Hiervoor sal ek honger bly’
Gepubliseer .
Mark Boucher
Die Protea-paaltjiewagterveteraan, Mark Boucher, se uittrede uit krieket ná ʼn fratsongeluk waarin sy linkeroog ernstig beseer is, was ʼn hartseer einde aan ʼn blink krieketloopbaan. Boucher (35) moes ʼn noodoperasie van twee en ʼn half ure ondergaan nadat ʼn paaltjie wat Imran Tahir laat spat het om Gemaal Hussain terug te stuur na die kleedkamer, hom Maandag in die linkeroog getref het in die wedstryd teen Somerset in Taunton. ʼn Soortgelyke fratsongeluk het in 1990 ʼn einde aan Paul Downtown, ʼn paaltjiewagter vir Engeland, se krieketloopbaan gebring. Lees verder ‘Krieketheld het die einde nie só gesien nie’
Gepubliseer .
Indien die jongste voorgestelde wysigings aan die Wet op Breë-basis Swart Ekonomiese Bemagtiging ingestel word, gaan wit mense met gestremdhede finaal uit alle regstellendeaksie-prosesse geskop word. Hierdie wysiging is ‘n klap in die gesig vir wit mense met gestremdhede. Wit mense met gestremdhede loop onder net soveel stereotipes, diskriminasie en sommer net ‘n alledaagse gesukkel deur as swart mense met gestremdhede. Dit is verregaande dat ras nou amper as bykomende “disability” teen wit mense met gestremdhede gevoeg word en blatant op ‘n rassistiese manier gebruik word om wittes uit te sluit. Die uitsluiting van wittes uit bemagtiging maak van Suid-Afrika se bemagtigingsproses ʼn suiwer rasseproses en nie ʼn bona fide teendiskriminasieproses nie. Lees verder ‘‘n Klap in die gesig vir wit mense met gestremdhede’
Loading ...
RSS
Newsletter
Twitter
Facebook
Flickr
YouTube
