Die vakbond Solidariteit het vandag ʼn reuse openbare veldtog teen Woolworths van stapel gestuur nadat die groep nie advertensies vir poste, waarvoor slegs swart kandidate oorweeg sal word, teruggetrek het nie. Die veldtog, met die klinkreël: “Woolworse: Making a differentiation” sal deur sosiale media gedryf word en onder andere duisende protesboodskappe aan Ian Moir, die uitvoerende hoof van Woolworths, insluit.

Neem só deel aan die veldtog

1. Neem deel aan die petisie oor Woolworths-kwotas by, www.solidariteit.co.za.
2. Volg op Twitter by #Woolworths.
3. Kla oor Woolworths se kwotas op Woolworths se Facebook-blad.
4. Volg die Solidariteit Beweging se Facebook-blad om op hoogte te bly van die veldtog.
5. SMS die woord “Stop” na 34388. Elke SMS kos R2 en sal ook namens jou as protesboodskap aan Woolworths gestuur word.

*Die oorspronklike logo hierbo gebruik is eiendom van Woolworths Holdings Limited